புனித மதீனாவின் மகிமைகள்

Contribution by Yaseeniath Moulavis Association for Pooma Educational Trust

புனித மதீனாவின் மகிமைகள்

*قال النبي صلى الله عليه وسلم*

*انا سيد العالمين*

நானே உலகத்தவர் அனைவருக்கும் தலைவராக இருக்கின்றேன்.

*انا سيد الناس يوم القيامة*

கியாமத் நாளில் நானே அனைத்து மக்களுக்கும் தலைவராக இருப்பேன்.
(புகாரி கிதாபுல் அன்பியாஇ)

*انا سيد ولد آدم ولافخر*

பெருமைக்காகச் சொல்லவில்லை. உண்மையிலேயே ஆதமின் பிள்ளைகள் அனைவருக்கும் நானே தலைவராக இருக்கிறேன்.
(ஜாமிஉஸ்ஸகீர் ஹ.எ.2693, இப்னு மாஜா ஹ.எ.4308).

*المدينة تنفي الناس كما تنفي الكير خبث الحديد*

கொல்லனின் துருத்தியாகிறது இரும்பின் துருவைநீக்கி சுத்தம் செய்வது போல மதீனாவாகிறது மனிதர்களை (அகத்துருவை நீக்கி) பரிசுத்தப்படுத்தி விடும்.
(புகாரி ஷரீப், மிஷ்காத் 240)

*على انقاب المدينة ملائكة لايدخلها الدجال ولاالطاعون*

புனித மதீனாவின் கனவாய்கள் (மலைப் பாதைகள்) மீது மலக்குகள் இருக்கிறார்கள். எனவே தஜ்ஜாலைப் போன்ற துஷ்டர்களும் பேதியைப் போன்ற பீதி தரும் காலரா நோய்களும் மதீனாவில் நுழைய முடியாது.
(புகாரி, முஸ்லிம், மிஷ்காத் 240)

*إن إبراهيم حرم مكة فجعلها حراما وإني حرمت المدينة حراما*

நிச்சயமாக இப்றாஹீம் நபி (அலைஹிஸ்ஸலாம்) அவர்கள் மக்கா நகரத்தை சங்கைப்படுத்தி புனிதம் மிகுந்ததாக ஆக்கினார்கள். நான் மதீனமா நகரத்தை சங்கைப்படுத்தி புனிதமாக்கியிருக்கிறேன்.
(முஸ்லிம், இப்னு மாஜா ஹ.எ.3113)

*لا يكيد أهل المدينة أحد إلا إنماع كما ينماع الملح في الماء*

எவன் புனித மதீனா வாசிகளுக்கு (பாதகமாக) சூழ்ச்சி செய்வானோ அவன் தண்ணீரில் உப்பு கரைந்து (அழிந்து) விடுவது போல கரைந்து விடுவான்.
(புகாரீ, முஸ்லிம், இப்னு மாஜா 3113).

*من سكن المدينة وصبر على بلائها كنت له شهيدا يوم القيامة*

எவர் புனித மதீனாவில் குடியேறி அதனுடைய சோதனைகளைப் பொறுத்துக் கொள்வாரோ அவருக்கு நானே கியாமத் நாளில் சாட்சியாளராக இருப்பேன்.
(பைஹகீ, மிஷ்காத் 240)

*اللهم اجعل بالمدينة ضعفي ما جعلت بمكة من البركة*

இறைவா! புனித மக்காவில் நீ அருளியிருந்த பாக்கியங்களிலிருந்து இருமடங்கு (பாக்கியங்களை) புனித மதீனாவில் ஆக்குவாயாக.
(புகாரீ, முஸ்லிம், மிஷ்காத் 240)

*من استطاع أن يموت بالمدينة فليمت بها فاني أشفع لمن يموت فيها*

எவராவது புனித மதீனாவில் மரணிப்பதற்கான பாக்கியத்தைப் பெற்றிருப்பாராகில் அவர் அங்கேயே மரணிக்கட்டும். ஏனென்றால் அங்கு மரணிப்பவர்களுக்கு நிச்சயமாக நான் பரிந்துரைப்பேன்.
(திர்மிதி, அஹ்மத், மிஷ்காத் 240, இப்னு மாஜா - 3112)

மேற்படி ஹதீஸ்களும் இன்னும் அனேக ஹதீஸ்களும் மாமதீனாவின் புன்னியங்கள் குறித்தும் புனிதங்கள் குறித்தும் வந்துள்ளது.